此課程不再可供預訂。

【圍爐亂UP03 報名】雜誌出版分享會 (已結束)

  • 開始日期 4月9日
  • 網上

服務說明

《亂UP24》編委都幾鍾意玩嘢,玩玩下,就越出越厚,仲整埋小誌(zine)。不過玩之餘,編委都有少少堅持。明明可以就咁寄書,但都個個拎住環保袋同喼人手送(但人手有限都係半寄半送);仲同身懷絕技嘅特約編委一齊創作、擦出火花。其實我哋都係想同香港小店/人一齊聆聽、記錄、同行。 無論創作者、記錄者定同行者,都因著要堅持、放棄、或者平衡某啲價值而不斷碰撞,我哋簡稱做「迷」。其實永遠都冇迷完嘅一日,不過藉着我哋啱啱出版嘅呢個時刻,就想邀請大家同我哋走一段旅程。 上次咁啱迎嚟第五波疫情,被迫暫停咗圍爐亂UP。今次我哋改為網上舉行,邀請咗《亂UP24》嘅編委、寄放點嘅書店、讀者進行分享。有興趣了解我哋背後故事,或者想聽多啲嘢令到你可以迷得冇咁孤單嘅人類,歡迎入zoom聽下。 日期:4月9日(星期六) 時間:晚上8:00 - 9:30 形式:Zoom網上分享會 對象:有志了解雜誌出版人士 嘉賓:《亂UP24》編委、七份一書店店長、讀者


工作坊時間